அஞ்சல் வழியாக கற்கும் பாடங்களில் அரசு பணி நியமனத்தின்போது ஏற்றுக் கொள்ளக் கூடிய படிப்புகள் எவை என்பதை தமிழக அரசு அறிவித்துள்ளது. தமிழக அரசின் உயர்கல்வித்துறை கூடுதல் தலைமைச் செயலாளர் டி.எஸ்.ஸ்ரீதர் வெளியிட்ட அறிக்கையில் கூறப்பட்டுள்ளதாவது:
Ø அண்ணாமலை பல்கலைக்கழகத்தின் எம்.ஏ. (இங்கிலீஷ்
மற்றும் கம்யூனிகேஷன்) படிப்பு, அரசு பணி நியமனத்தில் எம்.ஏ. ஆங்கில இலக்கியம் படிப்புக்கு சமமான படிப்பாக கருதப்படும்.
Ø கோவை அவினாசிலிங்கம் நிகர்நிலை பல்கலைக்கழகம் வழங்குகிற எம்.ஏ. அப்ளைடு சைக்காலஜி, கவுன்சிலிங் மற்றும் கைடன்ஸ் படிப்பு, மருத்துவக் கல்விப்பணியில் உதவி பேராசிரியர் மற்றும் கிளினிக்கல் சைக்காலஜிஸ்ட் பணிக்கு நிர்ணயிக்கப்பட்டுள்ள கல்வித்தகுதியான முதுநிலை உளவியல் படிப்புக்கு இணையானதாக ஏற்றுக்கொள்ளப்படும்.
Ø அண்ணாமலை பல்கலைக்கழகத்தின் 5 ஆண்டு ஒருங்கிணைந்த எம்.ஏ. அப்ளைடு எக்கனாமிக்ஸ் படிப்பு, எம்.ஏ. பொருளாதாரம் படிப்புக்கு சமமாக கருதப்படும்.
Ø கோவை பாரதியார் பல்கலைக்கழகம் வழங்கும் பி.எஸ்சி. பிளான்ட் பயாலஜி மற்றும் பிளான்ட் பயோடெக்னாலஜி படிப்பானது, பி.எஸ்சி. தாவரவியல் படிப்புக்கு இணையானதாகவும், இதே பல்கலைக்கழகத்தின் பி.ஏ. வரலாறு மற்றும் சுற்றுலா படிப்பு, பி.ஏ. வரலாறு பட்டப் படிப்புக்கு சமமாக ஏற்றுக்கொள்ளப்படும்.
Ø அண்ணாமலை பல்கலைக்கழகத்தின் பி.லிட் (தமிழ்) படிப்பு, சென்னை பல்கலைக்கழகத்தின் பி.லிட். (தமிழ்) படிப்புக்கு இணையானதாகவும், இதே பல்கலைக்கழகம் வழங்கும் எம்.ஏ. அப்ளைடு சைக்காலஜி படிப்பானது, எம்.ஏ. சைக்காலஜி படிப்புக்கு சமமாகவும் கருதப்படும் என்று அதில் கூறப்பட்டுள்ளது.
No comments:
Post a Comment